આઝાદી

 

દેશ ની આઝાદી 

        યાદ કરીએ એ સપૂતો ને...

            કેવો હશે દેશ માટે પ્રેમ? કેવી હશે દિલ માં દેશ માટે ત્યાગ, બલિદાન ની ભાવના? કેવી રણનીતિ? કેવું પરાક્રમી નીડર સાહસ? 

        દેશ માટે કંઈક કરી જવાની ભાવના...

            "તુમ મુઝે ખૂન દો, મેં તુઝે આઝાદી દૂંગા" "ઇન્ક્લાબ ઝિંદાબાદ" "સાયમન ગો બેક" "મેરી ઝાંસી નહિ દૂંગી" "સત્યમેવ જયતે" "સ્વરાજ મારો જન્મસિદ્ધ અધિકાર અને તે હું મેળવી ને જ જંપીશ"

        "મંથન" કરી નિભાવી દેશ માટે "પ્રેમ ની પરિભાષા" સફળ બનાવ્યો આ "મનુષ્ય અવતાર"

             નમન એ સૌ સપૂતો ને જેમણે પ્રાણ નું બલિદાન આપ્યું દેશ ની આઝાદી માટે...

             નમન એ સૌ શૂરવીરો ને જે સતત કાર્યરત છે દેશ ની સુરક્ષા માટે...

        અનેક્તા માં સમાવો એકતા, દૂર કરો ઉંચનીચ ના ભેદભાવ, અંધશ્રદ્ધા, જાતિવાદ, ધર્મવાદ...

             લાવી સાક્ષરતા બનાવીએ ખરા અર્થ માં આઝાદ મહાન આપણો દેશ ભારત.

મન ની આઝાદી 

સાંભળતા...

   ઉડ્યું મન આકાશ માં પક્ષી બની...

   લહેરાયું મન જાણે પવન બની...

   વિહર્યુ મન આકાશ માં એક વાદળ બની...

   વાગોળ્યા બાળપણના સંસ્મરણો એક માસૂમ આઝાદ દિલ બાળક બની...

   દોડયું મન જાણે એક લહેર બની...

   પ્રફુલ્લિત બન્યું મન મોર ના ટહુકા સમુ...

   રચાયા મન માં વિચાર એક સપનું બની...

   અહેસાસ પક્ષી નો મુક્ત થતા પાંજરા માંથી...

શું આવી મન ની આઝાદી શક્ય છે?

          બંધાયો તું કોઈ ને કોઈ બંધન માં...

          વ્યક્તિગત, સામાજિક, કૌટુમ્બિક, માનસિક તણાવ હેઠળ...

અહેસાસ મન ની આઝાદી નો જુદો દરેક વ્યક્તિ નો પોતાનો...

          શોધવો રહ્યો વિકલ્પ મન ની આઝાદી નો આ યુગ માં! 

મંથન કરતા મળ્યો વિકલ્પ મનની આઝાદીનો :- મન નો સંતોષ

          મુક્તપણે મનના વિચારો રજુ કરી ચલાવી કલમ, નથી કોઈ બંધન મનના વિચારોને...

મન ની આઝાદી મારી નજરે...

મંથન

 

મંથન 

 જીવન................મૃત્યુ....... (✖)

જીવન................મૃત્યુ....... (✖)

જીવન..........મંથન......... મૃત્યુ (✔)

હું કોણ છું?  મારી ઓળખ શું છે?  હું શું કરી શકું છું?  

મારા જીવન નો ધ્યેય શું છે?  મેં શું કર્યું? 

        કરવું રહ્યું મંથન આ જીવન માં........

મળ્યો અવતાર મનુષ્ય નો એ "કુદરત ની એક અનમોલ ભેટ''

કર્યું શું તે આ જીવન માં એ તારી ખોજ......

કંઈક તો અર્થ હશે આ અવતાર નો, જન્મ લીધો પ્રભુ શ્રી કૃષ્ણ એ પામવા આ મહામૂલ્યવાન મનુષ્ય અવતાર,

        કરવું રહ્યું મંથન આ જીવન માં......

મેળવ્યા વિલીન થયેલા રત્નો સમુદ્ર મંથન થકી,

વિષ પીધું મહાદેવે સંસાર ના રક્ષણ કાજે....

બાળપણ, જુવાની,આધેડ અવસ્થા, વૃદ્ધાવસ્થા વીતશે સમયાંતરે....

સમય ન રાહ જોશે કોઈનો આ જીવન માં....

        કરવું રહ્યું મંથન આ જીવન માં.....

ઠંડી, ગરમી, વરસાદ  ક્રમ રહ્યો ઋતુ નો,અતિવૃષ્ટિ-અનાવૃષ્ટિ ઉતાર ચઢાવ  કુદરત નો....

રહ્યું જીવન ઉતાર ચઢાવ નું, તક મળશે દરેક ને પોતાની દિશા માં આગળ  વધવાને......

        કરવું રહ્યું મંથન આ જીવન માં....

જીવન રહ્યું કુદરત ના હાથ માં, કર્મ રહ્યું આપણા હાથ માં........

સૂરજ  ઉગશે રોજ, લાવશે નવી આશા નું કિરણ રોજ.......

કર મંથન રોજ,જીવન માં ફેલાય પ્રકાશ એક કિરણ બની...

કાયા અને માયા ના મોહપાશ માં ફસાયો તું, મંથન કર કયા રસ્તે નીકળયો તું.....

જીવન ભલે રહ્યું અલ્પજીવી ફૂલો નું,ફેલાવી ખ઼ુશ્બૂ વાતાવરણ માં, અર્પણ  બન્યા પ્રભુ ચરણ માં.....

એકલતા, નિષ્ફળતા, ઉદાસી અવરોધ બનશે માર્ગ માં,મંથન થકી દૂર થશે દરેક વિઘ્ન જીવન માં....

વિચાર, વિચારશીલતા, વિચારધારા નું મંથન કર....

દહીં વલોવતા મળ્યું માખણ, કર મંથન, કર સંઘર્ષ  મળશે દિશા ખુલશે અનેક માર્ગ, થશે નિવારણ અનેક સમસ્યા નું... મળશે સફળતા....

''મંથન'' મારી નજરે......