મનુષ્ય અવતાર :- સૃષ્ટિ ની એક અનમોલ ભેટ

 મનુષ્ય અવતાર :-  સૃષ્ટિ ની એક અનમોલ ભેટ

સૃષ્ટિ એ સર્જયા અનેક જીવ પણ મનુષ્ય અવતાર એક અનમોલ ભેટ,

        સૃષ્ટિ એ સર્જયા નીર, પવન, વૃક્ષ, પહાડ, રણ....

તો નર-નારી ના નિર્માણ થકી પાંગર્યો આ મનુષ્ય અવતાર....

        નિશા અને ઉદય સર્જી બન્યો દિવસ આ સૃષ્ટિ નો, 

કઈંક સંદેશ તો નથી અંધકાર માંથી પ્રકાશ તરફ પ્રયાણ નો?

        સમયાંતરે બદલાતી ઋતુચક્ર સર્જી અનેરું બનાવ્યું આ સૃષ્ટિ નું સ્વરૂપ,

તો બાળપણ, જવાની, વૃદ્ધાવસ્થા  સર્જી અનેરો બન્યો આ મનુષ્ય અવતાર....

        હર એક જીવ નું  મહત્વ અનેરું આ સૃષ્ટિ માં,   

કર્મો થકી બનશે મહ્ત્વકાંશી મનુષ્ય અવતાર જીવન માં.....

        વિચારો તો અનેક માર્ગો, અનેક વસ્તુ,અનેક આશા, અનેક શોધ થશે આ જીવન માં,

ન વિચારો તો વ્યર્થ જશે આ અવતાર જીવન માં....

        કરવાને રહ્યો નશો જિંદગી માં ઘણી વસ્તુ નો, કેમ ન કરાય નશો કંઈક કરી જવાની ધગશ નો?

ઉત્પત્તિ અને વિનાશ સર્જાય અવનવું બનતું રહેશે આ સૃષ્ટિ માં,

        તો જન્મ અને મૃત્યુ સર્જી પડકારરૂપ રહેશે આ મનુષ્ય અવતાર....

વિલીન થશે આ દેહ એક દિવસ સૃષ્ટિ માં,

        મળશે જન્મ કર્મો થકી આ અવતાર માં.....

કરવુ મંથન રહ્યું આ જીવન માં કંઈક કરવાને,

        મનુષ્ય અવતાર :- સૃષ્ટિ ની એક અનમોલ ભેટ મારી નજરે.....